قبل حوالي عشر سنوات
كنت انا والوالد في رحله
كان معانا رجال بس رجال نشمي
وش السليق وش الدله اللي ماودك انها تقضي
وش خبز المجرفه
شي شي بس لا تسأل
المهم الرجال ذك الصبح اصبحنا وهو مسوي لنا عصيدة تمر تاكل يدك وراها
المهم اشتهيتها الصيف اللي راح
كان معي الوالد مصيف
تخبرون كبار السن ازين ماعنده لاشاف بزارين وليده
قلت يابوي
الصبح بسويلك فطور انا بنفسي وبيديني
قال وشو
قلت لا لا وشلون تصير مفاجئه
قال الله يكفينا شر مفاجأتك
والله مانمت يومها لأني لو نمت ماصحيت إلا الظهر وماصار فطور
صحى الوالد الفجر وصلى إلا واخوكم جايبله الفطور باز ٍ بعمره
والمفاجئه من حط يده فيها
بصوت عالي
من سواها :angry4:
على طول قلت ام فلان على زوجتى :dontknow:
سكت 0 قلت ها وش رايك
تعرفون الشيبان قال قم قم جيب خبز وسوا لنا فطور
المهم طريقة تحضير عصيدة التمر
المكونات
دقيق بر
ملح
ماء
خميره واه يالخميره(هي السبب ماخليتها تتخمر زين واكلت العصيده نفخت بطونا) :happy4:
قوم بعمل العجينه وخليها تتخمر زين ها :icon_cry:
اخبز الخبز على مجرفه وخليه يستوي بس لا ييبس
قوم بتقطيع الخبز قطع صغيره وضعها في إناء
قوم بتفصيص حبات التمر الخلاص من الفصم - النوا
اضف إلى التمر قليل من الماء وقم بهرسه جيداً
لديك الان
الخبز قطع صغيره
ولديك التمر مهروس
اضف التمر بكميات قليله على قطع الخبز( لاتكثر هذا اللي ورطنا مع الشيبان خليتها مريسه ماتوكل)
اضف القليل من السمن البري الممتاز( لاتكثر هذا ثاني شي ورطني)
سيصبح لديك خليط من قطع الخبز على المجرفه مضاف إليه تمر مهروس مضاف إليه القليل من السمن البري الممتاز
وبالهناء والشفاء
اول ماسويتها للوالد
قال تبون تسوون مثل سالم
سالم هو اللي عرفتها منه
بس اوصيكم لاتسوونها للوالد او الوالده ليت تتدربون عليها

مشكور اخوي بونوره على الوصفه

الجديده:wave:

هههههههههههه والله مانمت يومها لأني لو نمت ماصحيت إلا الظهر وماصار فطور هههه:) << هذاا حالناا

والله اسلوووب رووعه وطريقه عمل العصيد جميله جدا .. وسهله يبيلي اجربها والله <<< الله يستر لايضربووونه ههههه الي معااي ماايتفااهموو ولايشجعوو ع طوول يقوولوو مو زيه يكسروو بخاطرنا :)


الف شكر اخووي ابو نوره ... ع الوصفه

يعطيك العافيه اخوووي :wave:

السلام عليكم ورحمته وبركاته

اخوي ابو نوره هاات كفك ياشيخ :wave:

والله انت مبدع في جميع المجالات

بس والله مكوناتها سهله فكرتها صعبه :icon_cry: وشكلها يفتح النفس :wink:


خلنا نجربها يابطل ونعطيك خبر :wink:

شكرا لك اخوي

حلوه والله

اسلوب وطريقه رائعه راح تنافس جميع المطاعم شكلهم بيرفعون دعوه قضائيه عليك هههه

يسلموووو ابو نورهــ على هذه الطريقه الجميله لصنع العصيده

:) طريقة طرح رائعه

ههههه لكن احس انه طريقتها شويه صعبه

:icon_roll والجاهز بكل مكان

بس الله يسلمك على الأكله

وبالهناء والشفاء للجميع <= نسيت ماتقولها :happy4:

الاخت الكريمه
الشماليه
اشكر لكي هذا المرور المميز
من عضو مميز لهذا الشهر وكل شهر
لكي تحياتي

اخي الحبيب في الله
دارك مون
السلام عليكم ورحمة الله وبركاته
اعجز حينما ارى لك مداخلات فيما اكتبه ان افيك حقك وشكرك على ماتمنحني إياه من التقدير
( المدير العام لازم نبرح عن قرصنا):wink::)
بحق لك كل التقدير والاحترام
اخيك المحب لك في الله
نايف الشريف

اخي الحبيب في الله
النخباوي
تسلم على هالمرور
ماعليك جربها
بس لاتندفع وتقول انا اللي سويتها وبيدي إلا لاقالوا رهيييييبه من سواها:zicon_ram

اخي الحبيب
الغيلاني
تحية عطره
اشكر لك مرورك الكريم
لاتخاف عندي محامي
تخصص مطابخ
كان راعي مندي
وتحول لمحامي مطابخ
جاهز لأي دعوى تقدم ضدي
هههههههههههه

الاخت الكريمه
جوري السعوديه
يسلموووو
مرورك اسعدنا كثيراً
صح المحلات والجاهز مليان
بس احياناً المطبخ اغراضه مليانه
والجيب يقربع
مانقدر نشتري الجاهز
عندها مضطرين نطبق
هيييلب يور سلف

يا ابو الشباب:wave:
هذي اسمها مفروكة أو حنيني مش عصيدة
العصيدة نفس المقادير بس تختلف شوي الطريقة

لا تقوووووووول من قاللك...حنا ابخص بالشغلات هذي

انا نبهتك على شان إذا سويتها مرة ثانية لا تقول عصيدة وتفشلنا
بس والله يسلمو على الأكلة
خصوصاً إنها ممتازة في فصل الشتاء
تدفيئ الواحد

ننتظر طريقة في إعداد الصبيب:icon_rabb

ثانكس علي العصيدة:icon_rabb ابو نورهـ .

ياناس ياناس:new_let_i
ماهم عارفين الفرق بين المفروكة والحنيني وبين العصيده
وش دراكم:dontknow:
تحسبون الفرق في الشكل والمقادير
لا لا لا :eusa_naug
الفرق بيد اللي يسويها:wave:
النفس في الطبخه
انا اسويها تطلع عصيده(44)
غيرها مايضبطها تطلع حنيني ومفروكه:zicon_ram
الكلام على اللي يسويها
هذا انا علمتك السر ياقوت القلوب
وشرط شرط والناس تشهد
نفس المقادير نسويها وتشوفين
عندي تطلع عصيده وعندك حنيني
هههههههههههه

تسلمين قلب على المرور الرائع
وتمنياتي تكررين الزياره
وان شاء الله الطبخه تكون نالت استحسانك

ايه اناا مع ابو نوره .. اسمهاا عصيده مو حنيني مااداام يقولوو ابوو نوره عصيده يعني عصيده مفهوووم هههههه <<<< ابو نوره زعيم العزوبيه :zicon_ram نحن معاك قلبا وقالبا :zicon_ram

:wave:

تسلم والله على ها الطريقة من زمان وأنا أدور عليها

الفرق بيد اللي يسويها:wave:
النفس في الطبخه
انا اسويها تطلع عصيده(44)
غيرها مايضبطها تطلع حنيني ومفروكه:zicon_ram
الكلام على اللي يسويها
هذا انا علمتك السر ياقوت القلوب
وشرط شرط والناس تشهد
نفس المقادير نسويها وتشوفين
عندي تطلع عصيده وعندك حنيني
هههههههههههه

ههههههههه
فهمت السر يا بكاش (44)
على قولتك الطبخة هذي من عشر سنين
وأول مرة تسويها

فأكيد لازم تخبص فيها وتسميها عصيدة :) :)
على العموم ما جبت لنا طريقة الصبيب...أو المراصيع

ايه اناا مع ابو نوره .. اسمهاا عصيده مو حنيني مااداام يقولوو ابوو نوره عصيده يعني عصيده مفهوووم هههههه <<<< ابو نوره زعيم العزوبيه :zicon_ram نحن معاك قلبا وقالبا :zicon_ram

:wave:

والله المصلحجي :hat2:

الله يعطيك العافية وفي انتطار اطباقك الجديدة.