في ارشيف رضاك واللي لقيته وانا ادعبش وابحبش واقلب وادور <----- كلها مرادفات عسب تفهمون تراني حريصة علي فهمكم ككككككككككككككككككك

<---- اخلصي احزانوا وش عندك ؟ طيب لا تعصبوا

المهم لقيت ملف المعلومات حقت رضاك ( يوم قدم طلب وظيفة في النخبة ) اكتشفت انه اشتغل في قهوة المعلم عجاجة اخو فرخة وابن خالة دكاكة رااااااوي ودي حكاية الزير سالم علي لسان راويها رضاااااااك اسمعوا


يااولادي دحين بقلّكم لمن ألتقى الواد جساس بداك الي شايف نفسو مرة الي اسمو كليب..

خدو الرواية:

كليب كان ماشي في برحة مرة كبيرة ومافي ناس ولا في احد جنبو .

والواد جساس بصراحة خلبوص شويه وجبان ..لأنو استغل وجود كليب لوحدو..

المهم عمنا كليب ماشي بامان الله وقاعد يشم شوية هوا وبعيد عن رجةالبزورة والبيت ومشاكل عيال عمو وقلق الناس الي عندو...

المهم جا الواد جساس وقلّو: انت يا كليب

طبعا كليب ادالو اشكل مارد عليه ولا ادالو وجه

قال جساس: انت يا كليب رد اشبك انا قاعد اهرجك ياهووه

وداك مديه اشكل وربي ولا هو معبرو

جساس: شوف ياكليب..انتا كسرة الماصورة حقتنا ولا خليتنا نشرب مويه

لا نحنا ولا غنماتنا ولاجملاتنا ... وكل هادا ونحنا ساكتين

وقلنا عيب مو مشكلة دا برضو ولد عمنا ومن لحمنا ودمنا... وكبير العيلة

لكن انك تفرد عدلاتك( عضلاتك )علي الجمل حقت خالتي (البسبوسة)وتقتلها كمان؟

لا حبيبي دا مو كلام رجاجيل وألّي انتا سويتو غلط في غلط

مو عشان سكتنالك تحسبنا خايفين منك..نحنا احترمنا صلة القرابةالي بيننا

وقلنا هذا( بو رحم )ومننا و فينا بس انتا بالمرة خبصت أم الشغلة.

ومع كل دا الكلام و عمنا كليب مديلو اشكل بقوة ، ولا كأنو في احد بالمرة.

جساس صرخة بصوت عالي مرةانت يا كلـــــــــــــــيب ياخي رد عليّا ايشبك ،اتبكمت والا ايش؟

انا عارف انو ما تطالع وراك الا ازا كان فيه بشكة اقل شي اربعين راجل...

كليب طبعا رد وهو لاوي بوزو ، ويعني اٍنو قوي مرة.. وقال:لا يا بويا غلطان ،أنا ما ارد إلا لمن تكون البشكة 50 راجل.

ساعتها الواد جساس جسمو تكهرب شويه بس سوى فيها انو ولا همو

وداك عمنا طنش وكمّل مشيو مع الحصان حقو المهم الواد جساس طرطع وقفلت معاه وركبو 100 عفريت..

وفي لحظة غضب الواد جساس طلّع الرمح حقو..ورماه علي عمنا كليب وغرزو في ظهرو ..

قام يتألم ويتبكبك كليب وقعد يصرخ بصوت عالي كأنو بعبع(وحش ) ...

الواد جساس قال: ياواد ما يبغالهاالا افركلهاواشرد لا يجي احد دحين والا يجي الزير ويسويلنا قلق محنا فاضيلو دحينا، وهاتك يا فكيك دق سلف بالحصان حقو ونمر لها..

اما عمنا كليب حالتو صارت حاله ، قام يزحف علي بطنو شوية لمن وقف علي رجولو ويمشي والرمح معلق بظهرو ، لمن التقى بواحد بدوي حق غنمات ... لمن شافو البدوي انفجع

وقلّو: مو انتا عمّنا كليب ،اشبك كدا؟ ... ايش صار فيك ياعمنا ..

رد عمنا كليب على البدوي وقلّو: روقنا ياخي ، مو وقتو ، ما تشوفني مغرق بالدم وانتا لسه تسال؟

.ياخي جيب لي شوية مويه ابغى اشرب ياواد...

البدوي صاحبنا جبلو مويه وشرّبو .

كليب: اسمع ياواد انا غدر بي الواد جساس واكلني الرمح حقو بظهري من ورى ...

والي خلق امك لو انو كان من قدامي كان عرفت اتصرف معاه ...

لكن هو رمه وجبان وخيخة وجايني من ورى لكن مو مشكلة انا اعرف اجيب حقي...

حتي وانا ميت ورايا رجاجيل ما تترك حقي يابويا.

وقال كليب للبدوي: حكتب لك وصية تخليها حلقه بودنك وحكتبها علي الجدار دا بدمي

( لانو ماكان معاه قلم ولاورقةولا حاجة يمكن نسيها في البيت )...

ولازم اخوي سالم الداشر يقراها...

وبعدين الله يخليك تسوي معايا معروف انك تقتلني بعد ما اغلق من القصيدة ...

قبل ما يعفن ظهري وتصيبني الغرغرينة ( سلام قول من رب رحيم(

قلّو البدوي طيب.

وبدا ابو الشباب يكتب الوصية:

وهي كالاتي:

اول بيت يقول: استغفر الله اله العرش لا يعبد سواه ...

وتاني بيت يقول: الملك لله رفع السماء وبسط الارض ...

وتالت بيت يقول: لاتنسى اليتاما وتخون العهد يادب ...

ورابع بيت يقول الله اكبر علي الظالم المفتري الغدار اصحك تسيبو او تسامحو

وخامس بيت يقول: جساس خمني وغدربي وطالع على الجرح بظهري وتعرف ...

وسادس بيت يقول: الزير اخويا اعرفو قوي وشديد يمرمط العدوين ويشلفطهم شلفطه...

وسابع بيت يقول: يا سلومي يا ابو السلالم خليك راجل وبطلك حركات البزورة

والبيت الثامين يقول فيه: شوف ياسالم لا تخلي ولا احد منهم لاراجل ولا شيخ ولا عجوزة ولا حريم

واقتلهم كل واحد ومرتو حتى البزورة لاتسيبهم المهم فقّع ابوهم كلهم.

وتاسع بيت يقول فيه: لا تصالح اي واحد منهم وربي لو تصالح احد حأشتكيك لربي

وعاشر بيت يقول فيه: لو ما سمعت كلامي دا ولا سويت الي وصيتك عليه نتقابل عند قاضي القضاة رب السموات والارض.

المهم بعد الهرجة هذي صاحبنا البدوي راعي الغنمات كمل علي عمنا كليب حسب طلبو

المهم الهرجة دحين وصلت لحارة كليب واهلوا عرفوا بالهرجة كلها وطبعا

اخوانوا سووا فيها كيف وما كيف ومن الكلام دا...

ونحن نفعل ونحنا نسوي وحقنا مايروح لو علي شواربنا ومن الخراط هادا.

المهم

راحوا عند بيت عيال عمهم وتقابلوا مع ابوهم يعني قلك يسون مفاوضات...

وهادا بدال هادا وما ادري ايش المهم مااتفقوا وقالوا خلينا نشوف الدب الداشر سالم ايش يقول؟.

وبعدين صاحبنا سالم كان سكران مع ولد عمو همام ومخلينها خل وطرشي

المهم ارسلو واحد يقول لهم الهرجة وجا الراجل الي بيقولهم الهرجة ، وكان الدب الداشر(الزير)

سكران مقربع مزبوط ... وطل همام وعرف الهرجة,

وفجأه طلع لهم الدب الداشر وقال:ايشبكم ياهووه ايش الهرجة قاعدين تتوشوشو علي ايش؟ ...

احس انو في شي بس ما تبغو تتكلمو ...بنت يا ضباع ايش الهرجة؟

المهم العالم خافت وقامت تنفض من الخوف... سحبو همام وقالو ادخل جو ونتفاهم ...

مسكو من صدرو قلّو ياهو ايش الهرجة قلبت راسي وفكفكتها معايه وانت عارف انو مرووقين

قلّّو همام شوف: لو قتلوا اخوك كليب... ايش تسوي؟

قام ضحك الدب الداشر(الزير) الا شوي كشر بوجهو وقلب قارورة العرق وخلاها تقطر شويه شويه...
قلّو شاييييييييف هدا العرق كيف يقطر؟

طالع همام مستغرب

قلّو لا تستغرب ياواد ... لو قتلوا اخويه انا اخلي دم اخوي وكل قطره من دمو براس رجال من قبيلتهم

وانتا شوف اخوي قد ايش عندو دم( بكاش الواد هادا الزير) المهم.

همام قال:ياهوووووه ما بدها خليني اديلو الهرجة والي يصير يصير:

وقلّو الهرجة .... والدب الداشر(الزير) سوا مناحة ديك الليلة

وهاتك يابكى وصراخ زي البزوره ..تعرف مع الخبر الي مزفت ..

نكب الدنيا ...المهم قاعد يقول اشعار وتهديد وتخاريف ومدري ايش من الكلام دا ....
لمن طلع الصبح وصاحبنا نايم علي الدكة وحالتو حاله ...

ولد اختو من جد نذل قال لابوه:هيا نقتلو وفكنا من شرو

ابوه طرطع قلّو ايشبك انتا مجنون ؟ ياواد عيب دا خالك ... وسدحو بكلمتين وروق الواد.

المهم صبح الصبح وكل واحد يبغى يسري عند اهلو عشان يشوفون ايش الهرجة وكيف........
راح يدور البوكس بينهم( يعني المعركة ) وقبل مايمشون ...

سوا فلم هندي الدب الداشر وقرينو همام ...

قلك ماراح اقتلك وما ادري ايش وما ابغاك تكون خصمي يا همام ...

وقلك همام يقول لا ياهووووه كيف دولا أهلي وبرضو مااعتقد اني بسكت ... ومن الخرابيط هادي.

المهم كل واحد سرى عند اهلو...وقالوا بيننا البرحة ونشوف مين يغلب.

وباقي القصة يااولادي راح احكيكم هيه لما تنجحوا وتجيبوا الشهادة واقلكم ايش سوا ابو ليلى فيهم


ههههههههههههههههههههه

سوا فلم هندي الدب الداشر وقرينو همام

هههههههههههههههههههههه
يسلمووو أحزانووه ع المقااال الرااائع:)

ع فكره ترا رضااك ينفع راوي..لا راوي ممتاااز بعد..
صرااحه في طريقته في تشويق واثاااره في الحكي..(5)

حرام عليك احزان خليتيني اضيع 10 دقائق وانا رايح في احداث القصة وفي الاخر تطلع هيك ................ بس كتير حلوه هههههههههههههه

يسلمو احزان تابعي القصة خلينا نشوف رضاك وين وصل في خيالوخخخخخخخخخخخخخخخ

ههههههههههههههههههههههههههههه

احزان الحرب قادمة ...............

انت الي بديتي هههههههههههههههههههههههه

هلا انا صرت راوي بس بتعرفي راويييييييييييييييييي قدير ما شاء الله هههههههههههههههه

صدقي ما فهمت اشي ههههههههههههههههههههههه

انتظري الرد (58)

الحرب على الفتيات زمان والله ............

هههههههههههههههههههه

والله رواايه روعه الوواد جسااس هذاا بلووى متلتله والله


اقووول رضااك من وراناا تعمل حركاات ورواياات والله انت مو بسهل (77)


ممكن اخذ منك شتله وازرعهاا في المنتدى ههههههههههههههههه


مشكووره احزان ع الموااهب الي طلعتيهاا لناا (46)

ههههههههههههههههههههههههههههه

داركو انت معاي والا معاهم هههههههههههههههههه

احزان كشفتي مواهبي ليه هيء هيء هيء هههههههههههههههههههه

بكون انجنيت بعيط وبضحك في نفس الوقت ...............ههههههههههههههه

ساعدوني يا شباب ................

رضاك ليش زعلان والله رواي كتير حلوة ومش مفهوم منها اشي عادي في ناس كتير بكتوبو بمثل هاي الطريقة خخخخخخخخخخخخخخخخخخخخ

بس ولا تزعل احنا معك اطلب الي بدك ايه جاهزين ان شاء الله

يسلمواااااااااااااااا كتومة

المشتاق المشكلة الدووووووووور جاي عليك :)

رضااااااااااااااااااااااك بانتظار ردك :)

داااااااااااااااركو

انتظر القادم احلا :)

:) رضاك لا عادي تري الشباب متعودين علي سوالف المجانين

المشتاق احذر لا تعادينا ولا الدور عليك :(

احزان انا مليون مرة صرت قايلك اناما اخاف ماشي .... ( ال يعني رجال هههه)

ولا رد يخوفني (77) اشوف شو بدك تعمالي هههههههههههه :p

:( المشتاق وعلي نفسها جنت براقش

انتظر الرد

ههههههههههههههههههه

الحمد لله علقو مع بعض ونسوني هههههههههه

بس مع كل ذلك الرد قادم احزان انتظري (58)



احزان الفتاه المطيعه كخخخخخخخخخخخخخخخخخخخخخ انتظري البقية هههههههه

:( رضااااااااااااااك طيب اشووووووووووووووووف

ههههههههههههههههه

احزان شو رأيك في البداية احزان والفلم الهندي انتظري البقية